Потребно:
-
3 тиквици со средна големина
- 2 чешниња лук (тенко исчекани)
- 2 лажици путер
- 5 лажици маслиново масло
- 40гр свеж босилек
- Сол
- Бибер
- 2 лажички ситно изрендана кора од лимон
- 1 лажица сок од лимон
- 60гр рикота
- 450гр тестенини
-
90гр рендан пармезан
Подготовка: Исечете ги краевите на тиквиците, но не ги лупете. Потоа грубо изрендајте ги. Ставете ги во чиста кујнска крпа и исцедете ги од вишокот течност. Во тавче на средна температура загрејте го путерот и една лажица маслиново масло. Додадете ги тиквиците, лукот и сол и бибер по желба. Гответе на умерена температура 8 до 10 минути, со често мешање. Тиквиците се готови кога се лесно карамелизирани, многу меки, како џем. Во блендер ставете го босилекот, кората од лимон и 4 лажици маслиново масло. Блендирајте 2-3 минути, па додадете ги тиквичките. Потоа додадете ја рикотата и сокот од лимон. Зачинете. Пестото може да го користите веднаш или да го чувате во фрижидер, најмногу еден ден. Сварете тестенини по желба и прелијте ги со ова превкусно песто, па наросете пармезан. По потреба може да додадете во секоја сервирана чинија и 50мл од водата во која се вареле тестенините . На здравје.
