Потребно:
За тестото:
- 3 јајца
- 100мл масло за јадење
- 700мл млеко
- Малку сол
- 500гр брашно
За преливот:
- 500гр спанаќ
- 250гр урда
- 1 јајце
- 1 лажица сув зачин
- 100мл млеко
- Малку путер
- По желба малку шунка, сланина или нешто слично
За премачкување:
- 200гр кисела павлака
Подготовка: Јајцата изматете ги со маслото и солта, па постепено се додавајте го млекото и брашното додека не се добие малку погуста смеса од вообичаената за палачинки. Од смесата испечете неколку подебели палачинки. Потоа проварете го спанаќот во млекото со малку путер и зачинете со сувиот зачин. Кога ќе се излади додадете ја урдата и изматеното јајце. По желба можете да додадете и ситно сечкана шунка, сланина или друг сувомеснат производ. Калапот со големина како палачинките намачкајте го со путер и врз тоа ставете ја првата палачинка која ќе ја премачкате со филот. Редете ги палачинките и филот еден по еден така што ќе завршите со палачинка. Прелијте со киселата павлака и печете во рерна на 200 степени околу 20 минути. Оставете малку да се излади пред да го исечете и послужите. Добар апетит!
