Сакате оваа година да го избегнете грипот? Тогаш сменете ги овие навики!

Како да се заштитите и да ја избегнете инфекцијата оваа година, кога тоа би било примарно? Со избегнување на некои навики кои речиси сигурно ќе резултираат со инфекција.

Грипот е сериозна болест со смртоносни компликации, го намалува имунитетот и го исцрпува организмот, а од него умираат ист број на луѓе како и во сообраќајни несреќи.

  • НЕ МИЕТЕ РАЦЕ ЧЕСТО

Во текот на сезоната на грип, вирусот е присутен насекаде. На рачките, на книгите, на тастатурите, на копчињата во лифт, во автобус… ако сите тие предмети го допирате со раце, а потоа не ги изимиете, сериозно ја зголемувате можноста да се заразите. Затоа, важно е рацете што почесто да се мијат сос апун и вода и да се дезинфицираат.

  • НЕ КОРИСТИТЕ СРЕДСТВА ЗА ДЕЗИНФЕКЦИЈА

Секако дека секогаш нема да имате пристап до сапун и вода, но сепак тоа не значи дека не можете да направите нешто по прашање на заштита. Секогаш при рака имајте гел за дезинфекција или марамчиња за да во било кој момент можете да ги исчистите рацете од вирусот.

  • ПОСТОЈАНО ГО ДОПИРАТЕ ЛИЦЕТО

Ако ви е навика постојано со рацете да го допирате лицето, носот и очите, ова е вистинско време да се ослободите од таквата навика. Ништо не може во организмот побрзо да го внесе вирусот од валкани раце кои доаѓаат во контакт со носот, очите или устата. Ако не можете да се ослободите од оваа навика, имајте предвид дека е важно рацете зачестено да миете.

  • СЕ ДРУЖИТЕ СО ЗАРАЗЕНИ ЛИЦА

Лицата кои имаат грип се и првиот извор на инфекција со вирусот. Токму таа е причината зошто контактот со нив може да ги зголеми шансите и вие да се заразите. Во текот на сезоната на грип, јасно е дека мора да држите дистанца од пријатели и членови на семејството кои се заразени. Но, ако тоа не е изводливо да го направите, никогаш во нивна близина немојте да бидете без маска и добро измијте ги рацете по контактот со нив.

  • НЕ ИЗБЕГНУВАТЕ ЈАВНИ СОБИРИ

Грипот доведува до лоша општа состојба кај заразениот и го врзува пациентот за кревет. Сепак, многумина на почетокот не се свесни дека се болни, бидејќи се уште немаат јасни симптоми, а некои пациенти мислејќи дека не се повеќе заразни бидејќи се чувствуваат добро излегуваат по ресторани, кафулиња, кина и тетатри и така ја шират инфекцијата. Токму тоа е причина зошто морате да се изолирате од луѓе за да се заштитите.

  • ЖИВЕЕТЕ НЕЗДРАВО

Силниот имунитет за време на сезоната на грип може да ви помогне да ја избегнете инфекцијата. Обидете се секојдневно во исхрана да внесете овошје и зеленчук, особено она кое е богато со витамин Ц. Паметно е да се избегнуваат и цигари и алкохол, непроспиени ноќи и стрес, бидејќи сите тие фактори може да ве направат поподложни на инфекција со вирусот.

  • НЕ СПИЕТЕ ДОВОЛНО

 Недостатокот на сон низ подолг временски период може да има низа негативни влијанија на организмот, а едно од нив е и нарушен имунитет, што значи дека телото нема да биде доволно силно да се бори со вирусите и со бактериите. Целта нека ви биде осум часа непрекинато спиење.