Додека едни наслови тврдат дека јајчниците се претвораат во прав по 30. година, други покажуваат дека мајка може да се стане и со 50 години. Кога е предоцна? Одговорот е комплициран.
ПЛОДНОСТ
Способноста на жената да забремени опаѓа кога веќе ќе наполни 27 години, а нагло опаѓање се бележи до 37 година од животот. Ако парот е здрав, шансите се 95 процентни дека до 30-тите години ќе добијат бебе. После тоа, шансите се намалуваат секоја година за три проценти. По 40-тите тие опаѓаат за 5-10 проценти, само пет години подоцна вашите шанси се намалуваат на само пет проценти.
Ова е општа статистика и секогаш постојат исклучоци. Постојат и жени кои на 25 години се борат со неплодност, додека има и такви кои на 45 години остануваат ненајдено бремени.
РИЗИК
Како што жената старее, така расте и ризикот од спонтан абортус но и од други компликации. За жени на возраст под 30 години, шансата за абортус е 15-20 проценти, додека за жени над 40 години, таа се зголемува до 50 проценти! Даунов синдром, како и други хромозомски абнормалности, е нешто што се поврзува со возраста на мајката, а како што старее мајката, така се зголемува и ризикот. Кога жената ќе наполни 35 години, ризикот е 1/350, но во 45. година, тој е 1/35.
КОЛКУ НА БРЕМЕНОСТА ВЛИЈАЕ ТОА ШТО МАЈКАТА Е ЗДРАВА?
Повеќето луѓе ќе заклучат дека нивното завидно добро здравје е одлична алатка во борбата против стареењето. За жал, за јајниците тоа не е важно – без разлика дали сте веган или трчате маратони.
Секоја жена е родена со одреден број на јајце клетки, а нивниот број и квалитет се намалуваат како што старееме.
Дијабетес, дебелина, крвен притисок може да влијаат на зачнувањето и текот на бременоста во негативна смисла, па затоа е добро да се остане здрав, но исхраната и активноста не влијаат на репродуктивниот систем.
Можеби сега ќе се прашате доколку бројките се вакви, како тогаш гледаме толку често дека некоја позната дама во 50-тите години роди близнаци? Додека бројките изгледаат ниски, има голем број на оние кои остануваат бремени во 40-тите години и имаат сосема нормална бременост. Покрај тоа, мора да се знае дека многу од оние кои бараат медицинска помош, вештачко оплодување…
Медицината смета дека најдобро време за бременост е периодот од 20 до 24 години, но емоционално, финансиски, можеби за повеќето од нас не е така, па сè повеќе парови одлучуваат да почекаат.
Д-р Кристофер Монтвил објаснува: „Идеално би било парот треба да почне да планира бременост до 37. година од животот, бидејќи така ќе ги зголеми шансите за здрава бременост“, и додава дека ако сте близу до тие години, а вистинскиот маж сè уште нема на повидок – замрзнете јаце клетки за да ги зголемите шансите за подоцнежна бременост.
Ако планирате бременост, сигурно знаете дека нема вистинско време, но ако мајчинството ви е многу важно, размислете за проширување на семејството на време.
