На трудниците им е познато дека во понапредната бременост треба да спијат на страна. Во тој период невозможно е да се спие на стомак, а не е добро ниту да се спие на грб. Таа положба може да создаде притисок од матката на крвните садови, и да го ограничи протокот на крв во срцето и во бебето. Но, дури сега е направено истражување кое следело што се случува со бебето кога жената спие на грб во текот на ноќта.
Научниците од Универзитетот во Оукленд користеле инфрацрвени видеокамери за да ги снимат трудниците во текот на спиењето, и при тоа го следеле бројот на отчукувања на срцето и на мајката и на бебето. Секоја од 30. бремени жени кои учествувале во истражувањето била помеѓу 34. и 38. недела од бременоста и немала никакви компликации.
На основа на она што веќе се знае за ограничениот проток на крв додека се спие на грб, не е изненадувачки дека фетусот е помалку активен кога мајката е во таа положба. Изненадувачки е колку вртењето на грб на мајката брзо влијае на бебето, штом мајката ја променила положбата од страна на грб, бебето веднаш станувало помалку активно.
Се ова звучи помалку застрашувачки од што навистина е. Нормално е да се менуваат положбите во текот на спиењето, па и ако се разбудите на грб, не паничете. Спиењето на страна треба да се вежба, а може да користите и перница за помош.
