Постојат некои универзални вистини кои ги дознавате дури кога ќе станете родители: без разлика колку грицки ќе спакувате, никогаш нема да ви е доста кога ќе излезете од дома, филмовите што сте ги гледале безброј пати одеднаш ќе станат „страшни“ и никогаш со сигурност нема да можете да кажете од што е направена дамката на облеката на вашите деца.
Но, постојат и бројни смешни и чудни навики кои ги практикуваат сите родители.
Сè уште ги користите прекарите што сте им ги дале на децата кога биле бебиња, иако се возрасни
Овие прекари се толку слатки и симпатични, особено ако вашите деца ги смислиле сами за себе, што речиси е грев да престанете да ги користите.
На партнерот или партнерката му се обраќате со „тато“, односно „мама“
Да, дури и кога вашите деца не се во близина.
Постојано ги прашувате сите членови на семејството дали треба да одат во тоалет
Кога децата се мали, особено во фазата на одвикнување од пелени, родителите очајнички се трудат да ги нупатат во тоалетот пред да ги стават во седиште во автомобилот или на спиење. Но, интересно е што на многу родители им останува оваа навика дури и ако поминале повеќе од десет години откако нивните деца не носат пелени.
Ги душкате вашите деца
На децата никогаш не можете да им верувате на зборот, па затоа е секогаш паметно да го користите вашето сетило за мирис за да проверите дали навистина има чоколадо или нешто друго на нивните лица…
Количката за пазарување ја возите напред-назад, исто како што правите со детската количка
Откако ќе поминете една или две години успивајќи го детето токму на овој начин, не е ни чудо што вашиот мозок не сака да се откажѓе од оваа усвоена навика.
Со дланките ги покривате очите на детето додека гледате филмови
Се разбира, не можете да ги заштитите вашите деца од апсолутно сè, но несвесно ќе се потрудите да го сторите тоа секогаш кога на ТВ екранот ќе се појави чудовиште.
Ги убедувате децата да се облечат потопло дури и кога не е ладно
Кога ќе станете родител, сосема е логично да земете неколку џемпери „за секој случај“ на секое патување, дури и во август.
Ги убедувате децата да си играте „тивки игри“
Дури и најмирните деца понекогаш прават врева. За да ја избегнете оваа, за вашите уши, болна појава, веројатно ќе им предложите да играте „тивка игра“. Секако, тоа подразбира натпревар во тоа кој ќе успее подолго да молчи.
Ги уверувате вашите деца дека сте алергични на домашни миленици
Дури и ако тоа не е вистина, родителите секогаш се обидувале да им ја продадат на своите деца токму оваа приказна. Така, тие се обидуваат да избегнат присилно проширување на семејството за уште еден животински член за кој на крајот тие ќе треба да се грижат.
