Низ игра, дружење со пријателите во градинка или училипте, децата секојдневно се изложени на голем број вируси и бактерии. Освен тоа, имунитетот на детето може да бдие загрозен со преголем внес на шеќери, конзерванси и адитиви преку исхраната. Прекумерната тежина и недоволната физичка активност исто така негативно влијаат на имунитетот на детето, а како уште една причина се почесто се спомнува и прекумерното консумирање на антибиотици.
Стручњаците сметаат дека комбинацијата на здрав начин на живот и генетиката може значајно да влијаат на подложноста на инфекции и ширењето зарази. Еве што може да направите за јакнење на имунитетот на детето.
- Омега-3 масните киселини кои се наоѓаат во рибата, маслиново масло, лененото семе и јаткастите плодови секако треба да се најдат на чинијата на вашето дете. Од друга страна, пробиотиците се сметаат како помош за јакнење на имунитетот, а наједноставно се консумираат преку пиење јогурт или кефир.
- Општо е познато дека витаминот Ц го јакне имунитетот. Тој го зголемува производсвото на белите крвни зрнца, но и природните протеини кои одбранбено делуваат на вирусите, паразитите и туморксите клетки. Со консумирање на пет помали оброци составени од зеленчук и овошје на детето му се обезбедува доволна дневна количина од овој витамин.
- Истражувањата покажуваат дека имунитетот не може да се активира без витаминот Д, кој најлесто се добива од сончевите зраци, но е присутен и во сината риба. Витаминот Е спаѓа во групата на антиоксиданти кои исто така поттикнуваат јакнење на имунитетот, а се наоѓа во семките, билните масла и во житарките.
Освен витамините, за јакнење на имунитетот важни се и минералите, од кои посебносе истакнуваат цинкот и селенот.
Редовното миење на рацете може да спречи многу зарази. Миењетоо раце е најдобриот начин да се намали ризикот, но без претерување, опоменуваат лекарите, бидејќи претераната хигиена може да создаде отпорност на детето на одредени вируси и бактерии.Исклучително е важно детето да ги мие рацете пред јадење, по играње (одобено на отворено), по и пред користење на тоалет, како и пред спиење.
Некои истражувања покажуваат дека растењето со домашно милениче го јакне имунитетот. Стручњаците објаснуваат дека на тој начин децата се изложени на поголем број вируси и бактерии, што конечно ги прави посилни и поотпорни на разни болести.
