Тешки метали во храната за бебиња и мали деца: ФДА ќе предложи ограничување на арсен и олово во храната за бебиња

Изложеноста на тешки метали може да им наштети на возрасните и децата, но бебињата и малите деца се особено ранливи со оглед на нивната помала големина и мозок во развој. Изложеноста со текот на времето може да резултира со невроразвојни попречености, вклучително и аутизам кај децата, велат експертите

Тешките метали го наоѓаат патот во овошјето и зеленчукот преку почвата или загадената вода, вклучувајќи пестициди и ѓубрива

Агенцијата за храна и лекови на САД (ФДА) планира да предложи ограничувања за арсен, олово и жива во храната за бебиња, преземајќи мерки два месеци по конгресниот извештај за откриени производи од неколку најголеми производители во земјата „извалкани“ со токсични тешки метали.

Додека ФДА веќе воспостави прифатливи нивоа на неоргански арсен во флашираната вода, Агенцијата ги нема регулирано металите во храната за новороденчиња и доенчиња, со исклучок на арсенот во оризовите житарки.

Нивото на токсини ќе биде издадено како водич, а придржувањето до него ќе биде доброволно за производителите

„Знаеме дека Американците сакаат нула токсични елементи во храната што ја јадат нивните бебиња и мали деца. Во реалноста, бидејќи овие елементи се појавуваат во нашиот воздух, вода и почва, постојат ограничувања за тоа колку може да бидат ниски овие нивоа“, наведува Агенцијата. „Според тоа, целта на ФДА е да ги намали нивоата на арсен, олово, кадмиум и жива во оваа храна во најголема можна мера.“

Тешките метали го наоѓаат патот во овошјето и зеленчукот преку почвата или загадената вода, вклучувајќи пестициди и ѓубрива. Изложеноста на тешки метали може да им наштети на возрасните и децата, но бебињата и малите деца се особено ранливи со оглед на нивната помала големина и мозок во развој. Изложеноста со текот на времето може да резултира со невроразвојни попречености, вклучително и аутизам кај деца, велат експертите.

ФДА има намера да ја прегледа науката, да постави максимално прифатливи нивоа и да ја мониторира усогласеноста од страна на производителите на храна за бебиња, истакна Агенцијата, како дел од својата повеќегодишна стратегија, наречена „Поблиску до 0“. Регулаторите планираат да подготват стандард за максимално ниво на олово во храната за бебиња до април 2022 година и за арсен до април 2024 година, со конечна одлука за олово до април 2024 година, проследена со одлука и за арсен. Агенцијата соопшти дека ќе собере и разгледа податоци и за кадмиум и жива.

Нивото на токсини ќе биде издадено како водич, а придржувањето до него ќе биде доброволно за производителите. (Си-Би-Ес)