Силниот имунитет во сезона на вируси може да го заштити детето од непријатности и дополнителни ризици кои вирусите ги носат. Постојат многу начини да се зајакне имуниот систем на децата, а еден од нив е и здравата и правилна исхрана. Освен разновиднота, постојат и некои намирници кои особено може да помогнат.
Лук
Лукот е суперѕвезда кога е во прашање храна што го јакне имунитетот. Тој содржи компоненети, како што е алицин која на децата им помага полесно да се изборат со инфекциите, поттикнува продукција на антитела, па на тој начин детскиот организам полесно се справува со вирусите.
Јогурт или некој друг производ што содржи пробиотици
Веројатно сте слушнале за пробиотици – добри бактерии кои одржуваат здрав дигестивен тракт. Според најновите студии, пробиотиците не само што поволно влијаат на органите за варење, може да спречат и заболување од настинка и грип.
Риба
Омега-3 масните киселини го поттикнуваат имуниот систем на детето така што ги подигаат одбранбените способности на белите крвни зрнца кога ќе се најдат во борба со бактериите. Се наоѓаат во масната риба, како лосос, пастрмка или туна. Омега-3 масните киселини ги ублажуваат воспалителните процеси.
Пилешка супа
Да! Пилешката супа навистина помага при ублажување на симптомите на настинка и грип. Таа помага на два начина – прво со своето антивоспалително дејство, така што поттикнува циркулација на неутрофилите – клетки кои учествуваат во антивоспалителниот одговор на организмот, а второ, потпомага во исфрлување на наталожениот секрет.
Печурки
Иако печурките и не се зеленчук кој било кој го споменува кога е здравјето на децата во прашање, немојте тоа да ве прелаже. Печурките се преполни со хранливи материи кои го поттикнуваат имунитетот. Освен што се покажало дека имаат антивирусни својства, ги одликуваат и антибактериски. Богати се со селен – минерал кој е одличен антиоксидант и кој кај децата ја намалува можноста за разболување. Освен селен, содржат и цинк кој го штити имуниот систем.
Сладок компир (батат)
Слаткиот компир содржи голема количина на бета каротен кој во телото се претвора во витамин А. Тој има клучна улога кога е заштита и здравјето на кожата во прашање, а кожата е главната бариера на нашето тело против бактерии, вируси и бацили кои предизвикуваат различни болести. Наместо обичен компир, за подготовка за помфрит користете сладок – децата ќе бидат воодушевени.
Овес и јачмен
Овесот и јачменот се високо растворливи влакна, бета-глукани. Тој вид на влакна има антимикробни и антиоксадитивни својства, што може да биде од помош кога организмот на детето се бори против грип или некоја друга болест. Растворливите влакна ублажуваат и воспаленија, што може да помогне во процесот на оздравување на детето.
