Тим научници од Принстон спровел прво истражување кое анализирало како мозокот на бебето и мозокот на возрасен човек комуницираат во тек на обична игра и резултатите биле многу интересни.
Пронајдени се сличности во невралната активност кога заедно се користат играчки и се пстварува контакт со очите. Истражувањето е спроведено во лабораторијата за бебиња на Принстон, каде научниците истражуваат како бебињата учат да гледаат, разговараат и го разбираат светот.
“Претходни истражувања покажаа дека мозоците на возрасните се поврзуваат за време на гледање филмови и слушање приказни, но многу малку е познати за можноста за поврзување на неврално ниво при првите неколку години од животот“, вели Елиза Пјаца, надворешен соработник на Институтот во Принстон. Таа и нејзините соработници сметаат дека невронската синхронизација има важни импликации за социјалниот развој и учењето јазици кај децата.
Научниците утврдиле дека за време на директна комуникација и кај бебето и кај возрасното лице во неколку делови на мозокот се забележани синхронизации во работата. Тие делови од мозокот се задолжени з аразвој на разбирањето на околината. Кога се одвоиле, бебето и возрасното лице и комуницирале одвоено, таа врска се губела.
