Кога детето учи да зборува, ќе забележите дека има се повеќе моменти кога можете навистина да зборувате со него. Меѓутоа, имајте на ум дека детето очекува тој разговор да трае цел ден, па дури и кога сте зафатени. Всушност, колку сте позафатени, детето ќе ви поставува се повеќе прашања и тоа многу често едни исти. Тоа не значи дека детето е непослушно, туку е водено од својата инстиктвна потреба да зборува. Еве неколку фактори кои се кријат зад овој сосема нормален и природен развој на вашето дете.
Вашиот одговор му дава сигурност
Детето секој ден се повеќе ја истражува својата околина и станува посамостојно, но без оглед на ова, нему му е потребно вашето присуство и охрабрување. Вашиот познат глас и ентузијастички коментари му пружаат самодоверба за понатамошните истражувања.
Зборувањето е нова возбудлива игра
Конверзацијата е витална за развојот на говорот кај детето и со оглед на тоа, сосема е природно тоа да сака да сака да испробува нови зборови и фрази. Вашите одговори му укажуваат дали правилно и точно изговара. Детето не е свесно за ова, но вие сте неговото лице за говорен тренинг, па заради тоа вдишете длабоко и повторно одговрете на поставеното прашање.
Сака да ги подели своите откритија со вас
Вашето дете одеднаш ќе почне да се интересира за дневните активности на домашните. Ако излегувате ќе сака да знае каде одите, кога ќе се вратите и дали може и тоа со вас. Ако одите во продавница ќе сака да купува со вас. Ќе ве прашува што треба да се купи и каде се наоѓа, односно ќе сака да ви помогне. Сигурно неколку пати ќе ви постави исто прашање, заради тоа што сака да се чувствува сигурен. Совет – повторно вдишете и одговорете.
Разговорите прават децата да се чувствуваат блиски со вас
Вашето дете сигурно постојано ви го врти вниманието со постојан разговор, но да знаете дека сето тоа е добронамерно. Вие сте неговата ѕвезда, најзначајното лице во неговиот живот и разговорите создаваат чувство на блискост. Детето најверојатно се уште не ја усовршило конверзацијата до крај, па постојано ќе менува теми. Причина за тоа е што сака да ја задржи комуникацијата со вас, а поврзаноста со вас да биде силна и сигурна. Вие можеби ќе бидете зафатени во тиа моменти, но детето тоа секогаш не може да го разбере. Понекогаш вашето неодговарање може да предизвика бурна реакција кај детето, па секогаш обидувајте се да реагирате со насмевка или барем климнете со главата.
