Вината е комплициран елемент во релацијата родител-дете: ние се чувствуваме виновни, тие чувствуваат вина, ние правиме да се чувствуваат виновни и тогаш повторно се чувствуваме виновни за тоа. Но, некои типови на вина се здрав дел од детскиот развој.
Д-р Тина Малти, професор по психологија на Универзитетот Торонто, која го проучувала развојот на вината кај децата, смета дека вината е емоција слична на емпатијата.
“Морална вина е здрава и добра за развојот. Таа помага детето да се воздржи од агресивно и антисоцијални однесување. Дете кое ќе расплаче друго дете може да има емпатична реакција, и ќе се почувствува лошо бидејќи другото дете е тажно, или пак ќе почувствува вина оти ги прекршило своите стандарди за исправно и погрешно. Тие две реакции може да се појават заедно или одвоено“, објаснува проф. Малти.
Таа тврди дека постои развоен пат на вината: многу мали деца плачат кога ќе ја скршат играчката, но на шест години може да ги согледаат работите од перспектива на друга личност и да почувствуваат покомплексна емоција на вина. До тогаш, повеќето деца вината ја чувствуваат како реакција на неправда и тоа им помага да бидат пољубезни со другите.
Според неа, постојат многу докази дека здравата вина помага во социјалните вештини кај детето.
