Сите останати идни мајки се борат со мачнини во текот на бременоста, а вие минувате низ првото тромесечје, без никакви мачнини и повраќње. Но, иако го немате ова непријатно чувство, можеби се прашувате дали вашето бебе е добро и што не е во ред со вас?
Без грижа! “Речиси 30 проценти од бремените жени во целост ги прескокнуваат мачнините“, вели д-р Мишел Хакак, гинеколог и додава дека ова е нешто за кое треба да бидете среќни.
“Некои жени може да доживеат утрински мачнини, а некои жени едноставно ги немаат. Некои пак ги немаат во првата бременост, но им се јавуваат во втората и обратно“, додава тој и објаснува дека не секој мора да ја помине фазата со мачнини, исто како што не секој доживува мачнини при патување.
Можеби, објаснуват лекарите, имате посилна градба, подобро го процесуирате порастот на нивото на хормоните како бета ХЦГ, естроген и останатите хормони кои се зголемуваат во првото тромесечје. Тие хормони брзо се шират во првите недели од бременоста, што може да предизвика проблеми со желудникот. Веќе во второто тромесечје, иако нивото на тие хормони и натаму е исто, полесно се поднесуваат.
