Зошто секоја мајка мора да најде време за себе?

“Сметам дека времето само за себе е потреба, а не привилегија“, вели терапеветот Ема Бенет и додава дека мајките кои немаат време за себе може да прегорат како родител, да чувствуваат лутина, да се чувствуваат изолирани и да се изгубат себе си.

Грижата за себе е нешто што сите знаеме дека е потребно. Но, кога сте мајка, многу е тешко да најдете време само за себе. За жал, недостатокот на слободно време влијае негативно на мајките и на тој начин може да се развијат проблеми и во други сегменти од животот.

“Сметам дека времето само за себе е потреба, а не привилегија“, вели терапеветот Ема Бенет и додава дека мајките кои немаат време за себе може да прегорат како родител, да чувствуваат лутина, да се чувствуваат изолирани и да се изгубат себе си.

Во истражување во 2018 година, во кое учествувале 2.000 родители потврдено е дека родителите просечно имаат 32 минути во денот само за себе. Со оглед дека мајките и натаму сносат поголема одговорност за децата, иако и татковците се ангажирани повеќе од било кога претходно, тие сепак имаат и помалку време од тој просек.

“Кога мајките велат дека требаат повеќе време за себе, тоа обично значи дека им треба одмор. Мислам дека мајките немаат доволно време за себе кога им недостасува поврзаност и поддршка. Може да се чувствуваат изолирани и без енергија во исто време. Лек за тоа е зголемување на поддршката и поврзаноста како жените би имале можност да направат пауза, да побараат помош. Но, секоја мајка има поинакви потреби“, вели Бенет.

Таа нагласува дека мајките едноставно треба да пронајдат нешто што е само нивно, како што е гледање омилена серија, уживање во купка, читање и потенцира дека е многу важно да се договори со парнерот или таткото на детето.

Ако мајката се плаши да земе време само за себе оти е загрижена поради напуштање на детето, Бенет вели дека таа треба да најде личност на која и верува и ќе има отворена комуникација, со јасно поставении граници. Мајките мора да прифатат дека другите луѓе нема да се грижат за нивното дете на ист начин како и тие, но тоа е во ред.