„Детето секогаш може да го научи возрасниот три работи: да биде среќен без причина, да биде секогаш зафатен со нешто и да знае како со сета сила да го бара она што го посакува“
– Пауло Коелјо –
Драги наши пријатели, Ви се обраќаме Вам, поединечно на секој почитуван читател и ценет стручен соработник…
ВИ БЛАГОДАРИМЕ ЗА ПОДАРЕНОТО ВНИМАНИЕ И НЕСЕБИЧНА ПОДДРШКА КОЈА НИ ЈА ДАВАТЕ ВО ИЗМИНАТИТЕ ТРИ ГОДИНИ, 1095 ДЕНОВИ ИЛИ 36 МЕСЕЦИ!
Има 5 241 причини (објавени текстови од областа на педијатријата) поради кои Педијатар.мк денеска го прославува својот 3. роденден, а во центарот на нашето внимание се и понатаму остануваат да бидат ДЕЦАТА – нивниот раст, развој, благосостојба!
Зад нас е уште една немирна година во која главниот збор го има вирусот SARS-CoV-2, предизвикувач на болеста Ковид-19. Живееме во едни сосема поинакви услови од порано, со надеж дека наскоро ќе може да се вратиме во некоја каква-таква нормалност. Ковид-19 создаде „вакуум“ во нашите животи, донесе многу тага, внесе дополнителен страв, анксиозност, неизвесност…
Оваа пандемија уште еднаш покажа и докажа дека е многу битно што и каде читате, на кого му верувате, од каде ги добивате информациите… Среќни сме што во нас препознавте релевантен извор на информации, стручен портал кој секојдневно ја доближува педијатријата до родителите и е место на кое се споделуваат најновите сознанија темелени на медицината базирана на докази.
И запомнете, не учат само децата од возрасните. И родителите можат многу да научат од децата.
Се читаме и понатаму.
Останете во добро здравје.
Ваш Педијатар.мк
