Како родители, на вашите дева им пренесувате многу повеќе од гени. Децата ги превземаат и вашите навики – добри или лоши. Се што правите, вашето дете го впива и ве имитира. Затоа за воведувањето здрави навики за детето, прво мора да почнете од себеси и со личен пример да му покажете на детето како треба да се однесува и што да прави.
- Храната треба да е разновидна и шарена
Направете го јадењето храна во различни бои забавно! Освен што убаво изгледа, има и здравствени предности. Помогнете им на децата да ја разберат хранливата вредност на она што секој ден го консумираат.
- Ако сте во можност, земете домашно милениче
Да се има домашно милениче на детето му создава место за утеха и може да му помогне во учењето на некои важни животни лекции. Ги поттикнува децата и да стекнат способност за самосмирување, да се опуштат при стресни ситуации и да се носат со емоциите на продуктивен, ненасилен начин. Докажано е дека миленичињата смирувачки влијаат на децата и им помагаат при развој на емотивниот дел од нив.
- Изберете физичка активност што ви е пријатна
Следете ја склоноста на вашето дете и за што е талентирано, па поттикнете го тој дел од неговата личност. Секое дете не сака спорт, но може да има и други таленти што треба да ги искаже. Но, физичката активност е важна за физичкото и ментално здравје на децата, па и прошетка во парк може да биде сосема доволна.
- Читајте секој ден
Развивањето на силни вештини за читање е суштинска компонента на успехот на детето во училиште, но и подоцна во животот. Читањето е докажано дека помага во градење на детското самопочитување, однос со родителите и други лица. Се препорачува читањето да стане дел од детската рутина за игра и легнување во кревет.
- Пијте вода, а не сокови и газирани пијалаци
Водата е здрава, останатите пијалаци не се. Дури и ако детето не ги сфаќа сите причини зошто шеќерот е лош за него, може да му помогнете да ги разбере основните. Најлесно е ако во домот немате ништо друго да му понудите освен вода. И чаевите се прифатлива опција.
- Практикувајте за семејните вечери и ручеци да се присутни сите членови
Според Универзитетот Флорида, истражување покажало дека делењето на семеен оброк значи дека:
- Семејните врски се засилуваат
- Децата се подобро прилагодени
- Сите јадат хранливи оброци
- Помалку е веројатно децата да се обезни
- Децата имаат помали шанси за злоупотреба на алкохол и дрога
