Тешко е да се пратат децата да спијат и кога се идеални услови, а додека траат летните горештини тоа е вистински предизвик! Бидејќи, сите знаеме, одењето во кревет е сè само не пријатно.
Идеалната собна температура за спиење е помеѓу 16 и 22 степени, но доколку немате клима, тешко е да ја достигнете во најжешките летни денови.
Но, затоа овие неколку совети можат да ви помогнат:
- Изладете ја перницата
Два часа пред спиење, ставете ја навлаката за перница на детето и омилената плишана играчка во кеса, а потоа во замрзнувач. Ладна навлака за перница ќе биде добредојдено освежување, како и кадифена играчка до која детето ќе може да се гушка – за да го разлади!
- Блокирајте светлината да влезе во текот на денот
Иако можеби мислите дека е подобро да го држите прозорецот отворен и да го оставите воздухот да циркулира, подобро ќе бидете заштитени од топлината ако ги затворите прозорците и ги спуштите ролетните. Така, топлината потешко ќе навлезе во просторијата.
- Променете ги чаршавите
Размислете за купување постелнина од различен материјал. Истиот материјал не е подеднакво удобен во лето и зима. Во лето се препорачуваат памук, сатен и перкал.
- Користете вентилатор
Вентилаторот можете да го држите вклучен додека детето не заспие, а потоа најдобро е да го исклучите. Ставете го во близина на прозорец за да дува ладен воздух во просторијата.
Ладен туш пред спиење
Водата не треба да биде премногу ладна, а туширањето нека трае кратко. Доволно за да го донесе потребното освежување пред спиење.
- Чувајте влажна крпа до креветот
Ако немате време за ладен туш, натопете памучна крпа во млака вода и освежете го вашето дете со лесно тапкање по телото и челото додека лежи во кревет. Оставете ја крпата во сад со вода до креветот за да може и само да се излади.
- Направете провев
Нашите баби постојано не плашеа со провев, но „вистинскиот“провев во лето не е ни возможен да се создаде. Но, отворените прозорци на спротивните страни би можеле да донесат барем малку циркулација на воздухот и ослободување од влажноста што е потребна за детето да заспие.
