Училишната година почна во петок, но доколку сакате да бидете сигурни дека првата седмица да помине без проблеми, обрнете внимание на советите на Кирсти Кетли. Оваа експертка за родителство вели дека почетокот на првото полугодите може да биде многу стресен, па наведува седум трикови кои би можеле да му помогнат на вашето дете да се подготви.
Воспоставете рутина
Враќањето во рутината за спиење може да биде тешко, но не очајувајте. Во неделите пред новата учебна година, на родителите им се советува да ги навикнат децата порано да си легнуваат, а ако тоа не сте го направиле, според Кетли, децата ќе бидат толку уморни штом ќе почне училиштето што ќе се прилагодат лесно.
Проверка
Како ќе одминуваат деновите од оваа недела, детето ќе добива насоки што се треба да купи. Внимателно проверувајте го списокот, за да наутро или доцна навечер не си создадете стрес и за себе и за детето.
Обележете ја облеката и опремата
Проверете дали целата облека и опрема на вашето дете е означена со неговото или нејзиното име.
Вечерта пред училиште
Вечерта пред поаѓањето во училиште, проверете ја облеката на вашето дете и проверете дали има сè што му треба во ранецот.
Олеснете ја вознемиреноста
Ако вашето дете е загрижено околу враќањето во училиште, испланирајте што ќе правите со него викендот, како и во текот на првата недела од училиште. Погрижете се детето да има на што да радува.
За првоооделенците
Ако детето тргнува во прво одделение, очекувано е да биде вознемирено. Разговарајте со него за она што го чека, земете го од училиште и знајте дека повеќето деца добро се снаоѓаат во рок од неколку недели.
Смирете се
Како и децата, родителите исто така можат да бидат загрижени во врска со училиштето, особено ако детето е прво одделение. На првата родителска средба не стравувајте да им ги поставите на наставниците сите прашања што ги имате. Не грижете се дека вашето дете нема да јаде, пие или да оди во тоалет.
