Британските експерти препорачаа вакцинирање против Ковид-19 на деца на возраст од 12 до 15 години: Ќе се олесни одржувањето на наставата во училиштата

Препораката на CMO го отвора патот за почеток на вакцинација на деца од таа возраст во Велика Британија

Британската влада мора формално да одговори дали ќе ја послуша препораката на CMO

Главните британски медицински советници препорачаа децата на возраст од 12 до 15 години да ја примат првата доза на вакцината против Ковид-19, а како причина го наведоа полесното одржување на школската настава.

  • Препораката на CMO го отвора патот за почеток на вакцинација на деца од таа возраст во Велика Британија, откако Заедничкиот комитет за вакцинација и имунизација (JCVI) не сакаше да го советува тоа на почетокот на овој месец

САД, Израел и некои европски земји веќе започнаа со вакцинирање на помладата генерација, правејќи притисок врз британската влада да го стори истото. CMO лекарите веруваат дека вакцинацијата на децата ќе го олесни одржувањето на наставата во училиштата.

„Затоа, врз основа на интересите на јавното здравство, им препорачуваме на министрите да ја прошират понудата за вакцинација со првата доза на вакцината Фајзер – Бионтек за сите деца и млади луѓе на возраст од 12 до 15 години, кои во моментов не се опфатени со препораката на JCVI“, рекоа советниците.

Британската влада мора формално да одговори дали ќе ја послуша препораката на CMO, иако дел од министрите претходно ја поддржаа вакцинацијата на младите луѓе. Ранливите групи на деца веќе може да се вакцинираат.