Карфиолот, брокулата, зелката и кељот спаѓаат во исто семејство на зеленчуци, но само брокулата, особено нејзините бактерии содржат супстанци кои го јакнат имуниот систем. Иако овој зеленчук веројатно нема да биде омилениот и прв избор на детето, не заборавајте дека од нив може да направите здрави и вкусни јадења.
Брокулата е извор на витамини и минерали. Докажано е дека брокулата содржи различни биолошки активни состојки и соединенија, како и антиоксиданти кои го намалуваат ризикот од заболувања на некои видови рак и срцеви болести.
И карфиолот спаѓа меѓу најздравиот зеленчук. Тој содржи фолна киселина, Б витамин, 14 различни минерали и елементи, како и 18 различни аминокиселини.
Популарни се густите крем чорби од брокула со неколку капки павлака за готвење. Многу е вкусна ако се подготвува на пареа, а слични јадења може да направите и со карфиолот.
Кога карфиолот или брокулата ги подготвувате за деца, најпрво рачките варете ги во врела вода, околу пет минути, па потоа додадете ги цветовите и варете уште пет минути. Исцедете го зеленчукот и подгответе го по желба.
