БРЗАТА РЕАКЦИЈА Е ПРЕСУДНА: Што да направите ако детето почне да се задушува со парче храна

Ако детето почне да се задушува со парче храна, треба да го легнете на стомак преку вашите колена, така што главата и горниот дел од грбот ќе му висат надолу. Неколку пати (не прејако) удрете го детето по горниот дел на грбот со вашата дланка. Ако овој метод не успее, лекарите го советуваат Хајмлиховиот зафат

Освен храна, децата може да проголтаат и ситни делови од играчките. Ако не се големи и остри, страните предмети многу често поминуваат низ дигестивниот тракт без никакви проблеми и детето ги исфрла преку столицата, но тоа не исклучува итна посета на лекар ако се сомневате дека детето проголтало нешто
Покрај храната, децата можат да се најдат во опасност од задушување и поради многуте ситни предмети околу нив – делови од коцки, копчиња од играчки или мали батерии од играчки

Секој родител кој се соочил со ситуација во која детето се дави и почнува да се задушува поради проголтано парче храна, знае за каква ноќна мора станува збор. Неопходна е брза реакција.

Ако детето почне да се задушува со парче храна, треба да го легнете на стомак преку вашите колена, така што главата и горниот дел од грбот ќе му висат надолу. Неколку пати (не прејако) удрете го детето по горниот дел на грбот со вашата дланка. Ако овој метод не успее, лекарите го советуваат Хајмлиховиот зафат.

Хајмлиховиот зафат се разликува кај бебиња до една година и постари деца

Сепак, неговата примена се разликува кај бебиња до една година и постари деца.

Бебето треба да се сврти на гради, со лицето надолу и да се направи притисок помеѓу лопатките.

Кај деца постари од една година, Хајмлиховиот зафат се изведува на ист начин како и кај возрасните. Треба да застанете зад грб, да го обвиткате со рацете и да направите нагол притисок на горниот дел на стомакот. Ова би требало  да го исфрли воздухот од белите дробови, а со тоа и страното тело.

Ситните предмети претставуваат опасност

Покрај храната, децата можат да се најдат во опасност од задушување и поради многуте ситни предмети околу нив – делови од коцки, копчиња од играчки или мали округли батерии од играчки. Ако не се големи и остри, страните предмети многу често поминуваат низ дигестивниот тракт без никакви проблеми и детето ги исфрла преку столицата, но тоа не исклучува итна посета на лекар ако се сомневате дека детето проголтало нешто.

„Во повеќето случаи, монетите или ситните топчиња поминуваат низ дигестивниот тракт, но ако станува збор за батерија, дефинитивно треба да се консултирате со лекар бидејќи постои можност поради подолг престој во дигестивниот тракт, содржината да излезе од батеријата“, објаснува хрватскиот педијатар д-р Мирјана Коларек Каракаш за „МисMама“.