ПИШУВА:
Д-р Љубинка Дамјановиќ,
специјалист психијатар
♦♦♦♦♦♦♦
Се ближат новогодишните и божиќните празници, време кога сите се радуваме, даруваме и празнуваме. Време кога со нетрпение го очекуваме подарокот од Дедо Мраз, насмеаниот старец со долга бела брада и ѕвонлива насмевка.
Дочекот на Новата година може да ја промени и рутината на спиењето кај децата, кои со нетрпение го очекуваат пакетчето под елката и доаѓањето на Дедо Мраз на санките со ирвасите предводени од Рудолф.
Новогодишната ноќ е волшебно искуство за сите нас па и за малите деца, да им дозволиме да бидат дел од неа колку ќе сакаат и колку ќе имаат сила да ја дочекаат Новата година, која настапува на полноќ. Ако заспијат порано, не будете ги и не настојувајте на сила да останат до крај на прославата
Дочек на Новата година: Дали малите деца да останат до доцна?
„Дали малите деца да останат до доцна при дочекот?“ – е прашање кое си го поставуваат родителите. Ако им дозволиме да останат будни до доцна во ноќта нема ништо да се промени кај нив ниту пак нивното здравје ќе се наруши. Утредента нека се отспијат добро, нека спијат подолго до пладне. Најбитно е останувањето до доцна во ноќта да не биде секоја вечер и да не стане нова рутина.
Кај тинејџерите и адолесцентите дочекот на оваа Нова година можеби ќе биде и надвор од домот со своите врсници за прв пат. Родителите или старателите треба да размислат дали и до колку часот ќе го пуштат тинејџерот на прославата. Заради немилите настани што се случија, родителите треба да знаат каде оди детето и со кого ќе прославува и во секој момент да знаат каде се наоѓа нивниот тинејџер
Спиењето и сонувањето кај децата е одлика на здрава психичка состојба и за здрав раст и развој потребни се 8 до 10 часа континуиран сон. Со континуираност во спиењето се одржува циркадијалниот ритам на спиењето, кој има влијание на регулација на функционирањето на мозокот, лачењето на хормоните и воспоставување на рамнотежа на значајните функции во детскиот организам.
Новогодишната ноќ е волшебно искуство за сите нас па и за малите деца, да им дозволиме да бидат дел од неа колку ќе сакаат и колку ќе имаат сила да ја дочекаат Новата година, која настапува на полноќ. Ако заспијат порано, не будете ги и не настојувајте на сила да останат до крај на прославата.
Тинејџери и адолесценти: Прв дочек надвор од домот
Кај тинејџерите и адолесцентите дочекот на оваа Нова година можеби ќе биде и надвор од домот со своите врсници за прв пат. Родителите или старателите треба да размислат дали и до колку часот ќе го пуштат тинејџерот на прославата. Заради немилите настани што се случија, родителите треба да знаат каде оди детето и со кого ќе прославува и во секој момент да знаат каде се наоѓа нивниот тинејџер.
Тинејџерството е период кога родителите се соочуваат со поголемата самостојност на своите деца, влијанието на врсничката група врз нивното однесување е се поголемо и иако е тежок период за повеќето од родителите, треба да им дозволат полека, но сигурно да го осознаваат светот и околината, притоа развивајќи одговорност кон сопственото однесување надвор од домот, грижејќи се за својата безбедност и сигурност. Тинејџерските прослави некогаш можат да имаат и немил тек, но со претходен отворен разговор со родителите, да знаат да известат за настаните и како и каде да побарат помош.
