Секако дека е можно, но здравствено мора да задоволите некои услови, и вие и бебето, но цело време бидете отворени за сугестии на лекарот, како и на тоа дека може да се случи да почнете со вагинално породување, па да се покаже дека сепак за вас е побезбедна варијантата за царски рез.
Како се одредува висок степен на ризик при вагинално породување?
За да можете да планирате вагинално породување по царски рез, важно е таквиот начин на породување да е безбеден и за вас и за бебето, а лекарот пред се ќе ги земе предвид причините поради кои првиот пат се направил царски рез. Вагиналното породување може да биде ризично:
- Ако имате прекумерна телесна тежина
- Ако боледувате од висок крвен притисок или прееклампсија
- Ако сте постари од 35 години
- Ако не поминале најмалку 19 месеци од претходниот царски рез
- Ако вашето бебе е преголемо
Важна е и лузната од царскит рез
Важно е лекарот да провери каква е лузната на матката. Може да биде исто како на абдоменот, но може да оди и во друга насока. Ако сте имале вертикален рез, многу е малку веројатно дека ќе можете да имате вагинално породување бидејќи постои можност да пукне за време на напрегањето. По хоризонталниот рез, поверојатно е вагинално породување доколку се исполнети сите други безбедносни услови.
