♦♦♦♦♦♦♦
Дигестивни проблеми како што се дијареја, повраќање и губење на апетит би можеле да бидат симптоми на коронавирус, покажа најновата студија.
Студијата во која биле опфатени 204 пациенти во Вухан, жариштето на епидемијата на Ковид-19, покажала дека 99 пациенти (48,5 проценти) отишле во болница со дигестивни проблеми како нивна главна болест.
Поголемиот дел од овие луѓе немале основни дигестивни заболувања.
Губењето на апетит (83 %) и дијареја (29 %) биле главните симптоми за пациентите кои имале дигестивни проблеми.
Други дигестивни проблеми кои биле пријавени вклучувале повраќање (0,8 %) и болки во стомакот (0,4 %).
Повеќето од пациентите, исто така, се соочиле и со респираторни проблеми – како персистентна сува кашлица или потешкотии во дишењето со проблеми, исто како и дигестивни проблеми, но седум пациенти во студијата покажале само дигестивни симптоми.
Студијата, спроведена од кинески истражувачи е објавена во „American Journal of Gastroenterology“.
Пациентите без дигестивни симптоми во оваа студија биле со поголема веројатност да бидат излечени и отпуштени од болница, отколку пациентите со дигестивни симптоми, велат научниците
Истражувачите проучиле 107 мажи и 94 жени со просечна возраст од 55 години, кои сите биле позитивни на тестот за Ковид-19 во периодот помеѓу 18 јануари и 28 февруари.
Деведесет и девет имале дигестивни симптоми и 92 од нив исто така страдале и од респираторни проблеми како резултат на инфекцијата.
Истражувачите додаваат: „Помеѓу 105 пациенти без дигестивни симптоми, 85 беа само со респираторни симптоми, а 20 немаа ниту респираторни, ниту дигестивни симптоми“.
Студијата исто така покажала дека дигестивните проблеми се влошиле со зголемувањето на сериозноста на болеста.
Пациентите без дигестивни симптоми во оваа студија биле со поголема веројатност да бидат излечени и отпуштени од болница, отколку пациентите со дигестивни симптоми, велат научниците.
Истражувачите предупредуваат дека се потребни повеќе истражувања за да се разбере како новиот коронавирус влијае врз човечкото тело, и неопходни се студии со поголем број на примероци.
- Линк до истражувањето ТУКА
