Редовниот и квалитетен сон на возраст од пет до девет години може да придонесе за здрава телесна тежина и севкупно здравје во тинејџерскиот период, укажува ново американско истражување во кое учествувале 2.200 деца. Децата кои имале лоши навики на спиење и квалитет на сон, на возраст од 15 години имале поголем индекс на телесна маса.
Исто така, стручњаците истакнуваат дека спиењето влијае на физичкото и на менталното здравје, како и на способноста за учење. Според нивното мислење, развивањето на соодветна рутина на спиење во детството е клучно за здравјето на детето во иднина.
Времето за легнување треба да се постави така да детето добие соодветна количина на сон за својата возраст, дури и ако не заспие веднаш, истакнуваат стручњаците.
