Попладневното спиење го подобрува помнењето кај децата

Со ова истражување се докажало дека попладневното спиење може да ја подобри способноста на детето за учење и да му се подобри помнењето.

Според резултатите од најновата студија, попладневното спиење, сепак не е изгубено време, барем кога станува збор за децата. Со ова истражување се докажало дека попладневното спиење може да ја подобри способноста на детето за учење и да му се подобри помнењето.

Во студијата учествувале 40 деца од предучилишна возраст, кои во период на попладневните часови во просек спиеле околу 80 минути. Се покажало дека децата кои спиеле попладне, 25% повеќе помнеле во споредба со децата кои во попладневните часови биле будни.

Според мислењето на стручњаците, резултатите од истражувањето само го потврдиле она кое лекарите веќе го знаат со години, а тоа е дека секој има корист од спиењето за време на попладневните часови.