Според нова студија која собрала податоци за 3,5 милиони лица кои биле заразени со коронавирус, вакцинацијата нема само да помогне да се заштитат од болеста КОВИД-19, туку и ќе помогне и да ги заштитат сите околу себе – и оние кои се уште не се вакцинирани.
Ова е добра вест за родителите кои се вакцинирале, додека нивните деца се уште не се во можност.
“Студијата го потврдува она во кое и веруваме“, вели д-р Амти Кумар, експерт за вакцини.
Тој појаснува дека иако децата се помалку подложни за развој на симптоматска инфекција кога се изложени на вирусот и натаму можат да го пренесуваат без да имаат симптоми. Но, ако се вакцинираат оние кои ги опкружуваат, децата нема да имаат можности да бидат изложени на вирусот, а со тоа и нема да можат да го пренесуват.
Д-р Сара Браун, инфектолог вели: “ Помалку е јасно до која граница вакцините превенираат инфекција, а ако послабите превенираат симптоматска инфекција од превенција на болеста, оние кои се вакцинирале може да бидат заштитени од болеста, но и натаму да го шират вирусот“.
По истражување на хипотезата, заклучиле дека колку е поголем бројот на вакцинирани, толку е помал бројот на оние кои се позитивни на болеста, а не се вакцинирани.
СЕМЕЈСТВАТА ТРЕБА ДА БИДАТ ВНИМАТЕЛНИ
Добра вест е да се знае дека вакцината може да спречи ширење на вирусот кај невакцинираното население, но важно е да се знае дека ова се резултати од само една студија.
“Иако вакцината ќе го намали ширењето на болеста, важно е да се знае дека се уште е голем бројот на вируси во оптек и дека тука се децата кои сакаат да се дружат со други и така можат да го шират вирусот“, додава д-р Браун.
КОГА ДЕЦАТА ЌЕ ДОЈДАТ НА РЕД ЗА ВАКЦИНИРАЊЕ?
Кумар смета дека тоа е прашање на момент. Кога вакцините ќе бидат безбедни и за децата. Фајзер вакцината е веќе авторизирана за користење кај лица над 16 години, но во моментов ФДА бара дозвола и да се вакцинираат деца на возраст од над 12 години.
“Некои клинички студии кај млади лица веќе се спроведени, а други веројатно се планираат“, додава Кумар и смета дека ќе се покаже дека овие вакцини се безбедни и за децата. Верува дека до дозвола да се вакцинираат и децата ќе се дојде наесен. Иако се уште постојат многу прашања за вакцината, тој советува сите да се вакцинираат за да се заштитат себе си, но и општеството.
