Младите, невакцинирани луѓе го шират новиот сој на вирусот – делта, велат експертите. Новиот извештај доаѓа од состанокот во Белата куќа, каде се дискутираше за дополнително олеснување на мерките, со оглед на намалениот број на смртни случаи од оваа болест и помалку инфекции.
Сепак, опасноста сè уште демне и се однесува на варијантата делта, која е многу позаразна и полесно се шири, а се чини и дека „напаѓа“ особено една група. Д-р Ентони Фаучи, главниот советник за здравство во Белата куќа, на состанокот изјави дека, сепак, не е готово.
МЛАДИТЕ ГО ШИРАТ ВИРУСОТ
Американците имаа цел да постигнат 70 проценти од возрасната популација да бидат вакцинирани со најмалку една доза до 4 јули, но тоа не е крајната цел, ниту пак е крај на играта. Сè продолжува и по летото, а крајната цел е целосно да се запре пандемијата. Се чини дека причината е токму тоа што многу луѓе не се вакцинирани, а ова особено важи за луѓето на возраст од 18 до 26 години. Д-р Фаучи наведува дека сите треба да се вакцинираат, но мора да се посвети дополнително внимание на помладата популација.
Директорот на Националниот институт за алергија и инфективни болести на САД и топ советник на претседателот Џо Бајден изјави за „CBS“ дека децата не се нужно поподложни на заразниот сој. Но, загрижува фактот што секој што е невакциниран, вклучително и децата, има поголема поверојатност да биде инфициран од новиот сој бидејќи е многу заразен. „Овој вирус е попренослив, па затоа децата е поверојатно да се заразат со оваа варијанта отколку со алфа варијантата“, вели д-р Фаучи
НОВАТА ВАРИЈАНТА НА ВИРУСОТ Е ОПАСНА
„Оваа варијанта е многу позаразна од се што досега сме виделе. Во моментов е главна за инфекциите во Англија, сочинувајќи 90 проценти, бидејќи едноставно ги надмина сите претходни варијанти“, вели д-р Ашиш Џа, декан на Универзитетот Браун. Се работи за исклучително заразна варијанта, но добрата вест е дека сите што биле вакцинирани остануваат заштитени затоа што вакцините успешно делуваат и против оваа варијанта. Но голем е бројот на оние кои не се вакцинирани, а тука се вклучени и децата. Јасно е дека се советува што повеќе луѓе да се вакцинираат за да се победи и оваа варијанта. Освен што е многу позаразна оваа варијанта, предизвикува и потешка форма на болеста.
„Добрата вест е што сите достапни вакцини, после две недели по приемот на дозата, штитат и до 88 проценти од делта варијантата и 93 проценти од другите варијанти“, вели Фаучи.
Сите треба да се вакцинираат, но мора да се посвети дополнително внимание на помладата популација
ДЕЦАТА, НАЈВЕРОЈАТНО, ЌЕ СЕ ЗАРАЗАТ СО ОВАА ВАРИЈАНТА, ПРЕДУПРЕДУВА Д-Р ФАУЧИ
Д-р Ентони Фаучи предупредува дека невакцинираните деца се со поголема веројатност да се заразат со делта варијантата на коронавирусот затоа што е многу пренослива.
Директорот на Националниот институт за алергија и инфективни болести и топ советник на претседателот Џо Бајден изјави за „CBS“ дека децата не се нужно поподложни на заразниот сој. Но, загрижува фактот што секој што е невакциниран, вклучително и децата, има поголема поверојатност да биде инфициран од новиот сој бидејќи е многу заразен.
„Овој вирус е попренослив, па затоа децата е поверојатно да се заразат со оваа варијанта отколку со алфа варијантата“, додаде д-р Фаучи.
