Таткото игра важна улога во развојот на детето, а неодамнешни истражувања покажале дека времето што таткото го поминува во дружење, игра и разговор со детето влијае на когнитивниот и емоционалниот развој на детето.
Влијанието на таткото започнува од бременоста, а колку повеќе е вклучен во текот на овие 9 месеци, толку е поголема веројатноста дека ќе се вклучи во родителството. Според резултатите од неодамнешни истражувања, еве на кои подрачја на развојот на детето влијае ангажираноста на таткото.
- Чувството на сигурност влијае на успехот во училиште
Уште во доенечката возрас се создава поврзаност на таткото и детето и тоа преку татковата грижа за бебето, а кај детето се создава чувство на сигурност кое го следи во текот на целиот живот. Децата кои имаат квалитетен однос со својот татко и развиено чувство на сигурност, докажано се поуспешни на училиште и имаат поразвиени социјални вештини.
- Вклучувањето на таткото влијае и на развојот на социјални вештини
Децата чии татковци се вклучени во нивните секојдневни активности, како што се хранење, капење и играње, се посигурни во себе, а како што растат уживаат во подобри односи со своите врсници.
- Здрави партнерски односи во возрасниот период
Татковците кои се активно вклучени во животот на нивните бебиња – помагајќи во грижата за нив, играјќи си со нив и подучувајќи ги, исто така доживуваат помалку конфликти со своите сопруги. Ова не само што им користи на децата, туку го зајакнува и брачниот однос, па со самото тоа има долгорочни придобивки за целото семејство.
- Играњето со бебето влијае на вербалните вештини
Татковците, кои се грижат и си играат со своите бебиња, растат деца со повисок коефициент на интелигенција и подобри јазични и когнитивни вештини. Вклучените татковци ги подобруваат комуникациските вештини на своите деца затоа што имаат тенденција да им поставуваат различни прашања на децата од мајките, што го збогатува детскиот речник.
- Подобри резултати по математика
Колку повеќе време татковците поминуваат играјќи си со своите деца – како на пример игри на глумење или читање приказни – детето постигнува подобри резултати во математиката и читањето на 10-годишна возраст.
