За децата, особено за момчињата, често се вели дека се активни како да се вклучени во струја. На родителите понекогаш им е тешко да ги следат, а резултатите од едно британско истражување покажале и зошто.
Децата секојдневно трошат три пати повеќе енергија од возрасните. Стручњаците тоа сликовито го објаснуваат: дневно трошат онолку енергија колку што возрасно лице би потрошило за време на 83 рунди во ринг, односно во текот на 249 минути бокс. Секој ден тие се толку активни што кога би се собрала должината на нивните движења во парк или во затворен простор, таа би изнесувала дури 48 километри.
Активностите на децата бараат толкава количина на енергија која може да се мери со три фудбалски натпревари одиграни во ист ден.
Поради тоа, стручњаците предупредуваат дека детската исхрана мора да биде богата со витамини, железо и калциум, за да се задоволи нивната потреба за енергија.
“Децата да ги видат родителите како секој ден трчаат маратон, како што го прават тоа тие, би биле многу импресионирани“, вели нутриционистот д-р Кели Ракстон.
