Дали полот на детето може да влијае на навиките и одлуките кои ги донесуваме? Се покажало дека татковците имаат целосно поинаков мозочен одговор во интеракција со ќерка, отколку со син.
Студија објавена во списанието Behavioral Neuroscience покажала дека татковците на помлади девојчиња се многу поприсутни и попосветени на нивните потреби, отколку што е тоа случај со татковците на момчиња. Татковците, исто така, многу почесто им пеат на ќерките и поотворено разговараат со нив за емоциите, покажала студијата.
Од друга страна, татковците на мали момчиња, учествуваат во доста погруба игра. Тие обично повеќе ги користат зборовите поврзани со успехот – гордост, победа, врв.
Научниците за ова истражување користеле и магнетна резонанца за снимање на мозокот на татковците. Според медицинските податоци, татковците на девојчињата покажале посилен одговор на среќниот израз на лицето на ќерките во делот на мозокот задолжен за визуелна обработка, регулација на емоциите, за разлика од татковците на момчиња. Сепак, овие татковците на момчиња имале посилна реакција на неутралниот израз на лицето на нивните синови.
