Факт е дека во телото на бремената жена расте нов организам, кој носи бројни промени и во физичкиот развој и во телесната тежина. Вишокот килограми кои се добиваат за време на бременоста е сосема нормален процес при кој телото се подготвува за бременоста, породувањето и доењето.
Покрај самото бебе, на растот на телесната тежина на жената влијае и зголемувањето на органите и ткивата кои ја поддржуваат бременоста, како и поголема количина на течности во телото.
Каде одат килограмите во бременоста?
Во случај на едноплодна бременост, добиените килограми во просек одат на:
- Бебе околу 4 кг.
- Постелка од 1 до 1,5 кг.
- Плодова вода од 1 до 1,5кг.
- Дополнителна крв околу 2кг.
- Складирање на масни наслаги за периодот на доење од 2,5кг до 4,5кг
- Ткивото на дојките од 1 до 1,5кг
- Матка од 1 до 2,5кг
ПОСАКУВАНА ТЕЖИНА ВО БРЕМЕНОСТА
Ако носите едно бебе, не треба да се здебелите повеќе од 15 килограми во бременоста. Препорачливо е во првиот триместар да добиете 1,5 до 2,5 килограми, а потоа да добивате по половина килограм секоја недела.
