СЗО препорачува да носите заштитна маска само ако сте болни со симптоми на Ковид-19 (особено ако кашлате) или ако се грижите односно негувате некој што може да има Ковид-19. Маската за еднократна употреба, како што е потенцирано, може да се користи само ЕДНАШ! На светско ниво постои недостаток на маски па затоа СЗО апелира да се користат паметно.
♦♦♦♦♦♦♦
Како правилно се ставаат, употребуваат, вадат и фрлаат заштитните маски против коронавирус?
-
Запомнете, маската треба да ја користат само здравствените работници, негувателите и лицата со респираторни симптоми, како што се треска и кашлица;
-
Пред да ја допрете маската, исчистете ги рацете со дезинфициент на база на алкохол или сапун и вода;
-
Земете ја маската и проверете дали има дупки;
-
Ориентирајте се која е горната страна (каде што се наоѓа металната лента);
-
Осигурајте се дека соодветната страна на маската се наоѓа однадвор (обоената страна);
-
Поставете ја маската на лицето. Прицврстете ја металната лента или тврдиот раб на маската така што ќе се обликува според формата на вашиот нос;
-
Повлечете го долниот дел на маската за да ги покриете вашата уста и брада;
-
По употребата извадете ја маската: извадете ги еластичните јамки од зад ушите, држејќи ја маската подалеку од лицето и облеката, за да избегнете допирање на потенцијално загадените површини на маската;
-
Фрлете ја маската во затворена канта веднаш после употребата;
-
Хигиена на рацете е задолжителна по допирање и вадење на маската – користете дезинфициент на база на алкохол или измијте ги рацете со сапун и вода.
