Кое е најопасното место за спиење на бебето во домот?

Ново истражување покажува дека софата е најопасното место во домот за спиење на бебето и не е препорачливо да се користи, дури ни за краток одмор.

Најопасното месо на кое бебето може да спие е софа (кревет во дневниот престој), покажува ново истражување. Помеѓу 2012 и 2014 година во САД забележани се 9.000 смртни случаи кај деца за време на спиење, а од нив, 13 проценти се случиле додека децата спиеле на софа и повеќето биле помлади од три месеци.

Авторите на студијата откриле уште некои ризик фактори: децата најверојатно спиеле со уште едно лице на креветот, биле на страна или на стомак. Истражувачите нагласиле дека спиењето на софа не е препорачливо дури ни за краток одмор.

Американската академија за педијатрија издала препораки за безбедно спиење на децата и намалување на ризикот од смрт во колевка (СИДС):

  • Бебето секогаш треба да спие ан грб, неважно дали се работи за дневно или ноќно спиење (не се грижете ако вашето дете е доволно големо и само се врти на стомак во текот на спиење).
  • Доенчињара треба да спијат на цврста и рамна површина во креветче или во колевка која ги задоволува сите услови за безбедност. Никогаш не го ставајте детето да спие на тросед, двосед или воден кревет.
  • Сите меки предмети, вклучувајќи играчки, перници, тргнете ги од креветчето.
  • Најбезбедно место за спиење е колевка или креветче ставено со иста просторија во која вие спиете.