Пневмонијата е сериозна инфекција на белите дробови што може да влијае на луѓе од сите возрасти. И додека бактериската пневмонија бара третман со антибиотици, вирусната пневмонија обично се повлекува со соодветен одмор и внес на течности.
Повеќето инфекции на белите дробови не се сериозни и траат околу три недели, но некои може да се развијат во посложени состојби како што се пневмонија или бронхитис. Бронхитис претставува воспаление на дишните патишта во белите дробови, кое може да биде предизвикано од инфекција.
Малите деца, постарите лица над 65 години, и луѓето со хронични заболувања како што се астма или ХОББ имаат поголем ризик од развој на сериозна пневмонија
Воспалените на белите дробови настанува кога инфекцијата предизвикува воспаление на воздушните кесички во едното или обете белодробни крила, кои може да се наполнат со течност или гној, а ризиците од воспаление се зголемуваат во зимските месеци, пишува британски „Сан“.
Симптоми на пневмонија што не смеете да ги игнорирате
Симптомите на пневмонија може да бидат слични на други болести, но клучната разлика е во нивната сериозност. Д-р Ендрју Витамор вели дека „симптомите може да вклучуваат кашлање, отежнато дишење, висока температура, болка во градите и губење на апетит“.
За разлика од типичната настинка или грип, пневмонијата често предизвикува отежнато дишење и остра или прободувачка болка во градите која се влошува со длабоко дишење или кашлање. Ако се појават овие симптоми, важно е веднаш да се побара лекарска помош
Според Asthma + Lung вообичаени симптоми на пневмонија се:
- Кашлица (сува или со искашлување жолта, зелена, кафеава или крвава слуз);
- Чувство на слабост, замор и општа болест;
- Чувство дека не можете да дојдете до здив (краток здив);
- Недостаток на апетит;
- Забрзано чукање на срцето;
- Потење и треперење;
- Болка во градите, особено при длабоко дишење или кашлање;
- Конфузија (најчесто кај постари лица);
- Низок крвен притисок;
- Искашлување крв;
- Болка во зглобовите или мускулите/болно тело;
- Гадење.
Разликата меѓу типична настинка или грип и пневмонија е значаен недостаток на воздух и болка во градите.
За разлика од типичната настинка или грип, пневмонијата често предизвикува отежнато дишење и остра или прободувачка болка во градите која се влошува со длабоко дишење или кашлање. Ако се појават овие симптоми, важно е веднаш да се побара лекарска помош.
Кога пневмонијата станува сериозна?
Д-р Витамор вели: „Малите деца, оние над 65 години и оние со хронични белодробни заболувања како што се астма или опструктивна белодробна болест може да бидат посклони кон инфекции на белите дробови. Тие може да бидат и потешки кај овие групи бидејќи воспалението предизвикува стеснување на дишните патишта што го отежнува дишењето. Исто така, може да биде потешко за малите деца и постарите луѓе да се ослободат од слузта бидејќи нивниот имунолошки систем против болести не функционира толку добро, особено кога станува збор за белите дробови.“
