Секој родител ќе ви каже дека врската помеѓу мајките и ќерките се навистина посебни. Децата брзо растат и треба да се искористи секоја прилика за квалитетно дружење, за да се изгради цврста и нераскинлива врска. Ако сте мајка која сака да направи нешто посебно и да остави прекрасни спомени со своето девојче, ова се некои идеи кои може да ги додадете во списокот на заеднички активности. За повеќето од овие предлози, старосната граница не е важна.
Танцувајте
Пуштете ги омилените песни и препуштете се на ритамот. Не е важно дали изгледате лудо, само опуштете се и забавувајте се. Оваа традиција нема временска граница, наизменично пуштајте музика и правете смешни движења. Ако сепак сакате нешто сериозно, секогаш може да научите некој танц или кореографија. Нема потреба претерано да се трудите околу тоа, едноставно пуштете некоја игра и целото семејство учете ги движењата.
Филмски маратон
Резервирајте еден викенд за опуштање со ќерката со нејзините омилени филмови. Земете доволно грицки, легнете пред телевизор и маратонот нека започне. Ако девојчето е поголемо, пронајдете и некој документарец за тема која ја интересира. Тоа може да биде и забавно и едукативно.
Изградете нешто
Алатот не е наменет само за татковците. Со ќерката заедно направете акција “направи сам“. Направете нешто што би и било потребно, нова полица во нејзината соба, кутија за накит, или обојте ги ѕидовите во нејзината омилена соба.
Волонтирајте
Одвојте малку време за несебични активности и поминете време помагајќи им на другите. Ова ќе ја научи вашата ќерка на емпатија, ќе ја развие емоционалната интелегенција. Донирајте ја старата облека или играчките.
Посетете го омиленото место од вашето детство
Поврзете се со својата ќерка така што ќе ја однесете на некое посебно место од вашето детство. Едно е да зборувате за вашата младост, а сосема друга приказна да го посетите местото каде што сте го поминале вие вашето детство. Посетете го родниот град, местото каде што сте учеле или каде што навечер сте излегувале.
