Мачнините во бременоста доведени во релација со аутизмот кај децата

Новото истражување во кое учествувале 500.000 бремени жени е од големо значење за рано дијагностицирање на аутизам, тврдат стручњаците.

Силните мачнини може да доведат до дехидрација и кусок нутриенти за време на бременоста, што драстично го зголемува ризикот од развој на аутизам кај бебето. Научниците сакаат трудниците да бидат свесни за таа релација, оти може да помогне во раното дијагностицирање на аутизмот.

“Оваа студија е важна, оти сугерира дека децата чии мајки страдале од трудничка хиперемеза, се изложени на поголем ризик од аутизам. Свеста дека постои таа врска, може да помогне во раното дијагностицирање и интервенции кај децата кои го имаат тоа пореметување“, вели авторот на студијата д-р Дариос Гетаун.

Д-р Гетаун и неговиот тим на научници од Калифорнија, анализирале податоци на 500.000 трудници и деца родени помеѓи 1991 и 2014 година. Ги споредиле децата на мајки кај кои биле дијагностицирани интензивни утрински мачнини и утврдиле дека шансите таквите мајки да родат деца кои имаат пореметување од спектарот на аутизам се поголеми за дури 53%.

Попрецизно, научниците истакнуваат дека тој ризик бил поголем во случаеви каде силните мачнини биле дијагностицирани во првото или второто тромесечје од бременоста, отколку во третото. Научниците исто така откриле дека поврзаноста на утринските мачнини и аутизмот е посилна кај девојчињата, отколку кај момчињата.