МАЈКАТА НЕ ЗНАЕЛА ДЕКА Е ЗАРАЗЕНА: Во Лондон родено бебе со коронавирус

Лекарите сè уште не се сигурни дали бебето се заразило во стомакот на мајката или при раѓањето

Новороденчето во Лондон стана најмладиот пациент кој се лекува од коронавирус

♦♦♦♦♦♦♦

Британка која пред неколку дена била хоспитализирана во болница во Лондон родила дете позитивно на коронавирус.

Мајката не знаела дека е заразена. Била примена во болницата поради пневмонија, а тестовите подоцна покажале дека е позитивна на коронавирус.

Лекарите сè уште не се сигурни дали бебето се заразило во стомакот на мајката или при раѓањето. Ова бебе е најмладиот пациент кој се лекува од коронавирус.

Мајката не знаела дека е заразена, а била примена во болницата поради пневмонија

Во моментов бебето е во родилиштето додека мајката е префрлена во посебен оддел за инфективни болести.

„И мајката и бебето се изолирани од остатокот на болницата. Сè уште ги испитуваме околностите на овој случај. Досега се покажа дека бебињата и трудниците имаат многу мала веројатност за компликации поради инфекција со коронавирус“, истакнале лекарите од болницата „North Middlesex“ во Лондон, пренесува „Мирор“.