Митот за киселини во бременоста и густа коса на бебето е вистинит – интересни докази од Осјек

Сигурно сте ја слушнале народната приказна – киселините и жиговината во бременоста значи дека на бебето му расте коса. Истражување спроведено во Осхеј, Хрватска покажало дека во ова има вистина.

Народното верување дека мајката која во бременоста има жиговина и ја мачат киселини ќе роди детет со многу коса, сега и научно е докажано.

Истражување спроведено во родилиштето на Клиниката за педијатрија во Осјек на 350 родилки открило низа интересни информации за популарните митови за бременоста.

“Во истражувањето испитувавме дали постои разлика во точноста на некои популарни митови за предвидување на полот во текот на бременоста и мајките на машки и женски деца. Со помош на прашалник испитувавме 11 популарни митови за бременоста кои се наведуваат меѓу луѓето. Некои од испитуваните митови се: дали полот на бебето зависи од тоа дали мајката повеќе има желба за слатко или за солено во текот на бременоста, дали се буди на лева или десна страна од креветот, го носи детето ‘ниско’ или ‘високо’, има ли стомак во форма на топка или лубеница, има големи или мали утрински мачнини, дали имала чести промени на расположението, дали повеќе се здебелила на трупот или на колковите и задникот, дали во текот на бременоста се здебелил и партнерот, дали во бременоста имала посјајна коса од претходно и слично“, појаснува д-р Даријан Кардум, кој на истражувањето работел заедно со д-р Жељко Кардум и д-р Тијана Наџ, како и со директорот на Клиниката за гинекологија во Осјек, д-р Андријан Милер.

Интересно е дека 60 проценти од жените точно го погодиле полот на бебето кога дознале дека се бремени.

Од сите испитани митови за предвидување на полот на детето за време на бременоста, статистички значајна разлика е пронајдена само за митот дека бременоста со машко дете е поврзана со посјајна коса на мајката за време на бременоста.

Жените кои носеле женски деца, во 39,1 процент од случаевите неацеле дека во текот на бременоста имале посјајна коса, а жените кои носеле машки деца тоа го навеле во 45 проценти од случаевите.

“Дополнително испитавме еден чест мит врзан за бременоста. Тоа е оној кој вели дека жените кои имаат изразена жиговина/киселини, раѓаат деца кои имаат повеќе коса. Дури 205 родилки опишале дека нивното дете има ‘многу коса’, а 145 навеле дека детето има ‘малку или воопшто нема коса’. Во ова истражување се покажа дека значајно повеќе мајки чии деца имаат многу коса, наведоа дека имале интензивна жиговина од мајките чии деца имале помалку коса“, вели д-р Кардум.

Со ова истражување, велат од тимот, никако не сакаме да ги обесхрабриме идните родители во обидот на предвидување на полот на своети идно дете со помош на митови и “бапски приказни“, бидејќи тие се дел од бременоста.

Единствен мит кој не успеале да го потврдат е дека партнерот се дебелее додека жената е бремена.