МОРБИЛИТЕ НЕ СТИВНУВААТ. Прим. д-р Љиљана Којиќ: Жени кои планираат бременост не би смееле да останат бремени 4 недели по примање на ММР вакцина

Кој треба, кој не треба и кој не смее да прими ММР вакцина? Настинка, рашмркан нос или варичела (овча сипаница) не се причина за одложување на вакцинацијата

Се зголемува бројот на заболени од мали сипаници: Прим. д-р Љиљана Којиќ, педијатар
Состојбата со епидемија на мали сипаници (морбили) не стивнува. Напротив. Последните информации говорат дека само во еден ден (изминатиот петок) на Универзитетската клиника за инфективни болести биле прегледани 13 пациенти со морбили, од кои седум се задржани на болничко лекување. Оттаму информираат дека од вкупно 34 пациенти хоспитализирани на Клиниката (16 деца и 18 возрасни), две деца и двајца возрасни се со потешка клиничка слика.
Во текот на изминатата недела е забележан пораст на бројот на заболени од мали сипаници. Вкупно се регистрирани 104 заболени, од нив најголем број (74) се од Скопје, а останатите 30 се од девет други градови во земјава. Активни епидемии на мали сипаници во моментов има во четири здравствени региони (Скопје, Тетово, Куманово и Гевгелија), објаснуваат од Институтот за јавно здравје, во прегледот кој опфаќа податоци заклучно со 22 март 2019 година.

 

ПИШУВА: Прим. д-р Љиљана Којиќ
педијатар

♦♦♦♦♦♦♦

Во последниве месеци бројни се прашањата околу ММР вакцината, кои ги мачат родителите на децата околу имунизацијата на нивното дете или на нив самите. Ова е еден кус приказ на тоа кој се треба, кој не треба и кој не би смеел да ја прими вакцината.
Во текот на изминатата недела е забележан пораст на бројот на заболени од мали сипаници во земјава. Вкупно се регистрирани 104 заболени
КОЈ СЕ ТРЕБА ДА ПРИМИ ММР ВАКЦИНА?
  1. Деца

– Бебиња

– Ревакцинирање на 7 годишна возраст.

  • Девојчињата ќе примат уште една доза вакцина против рубеола (црвенка) на 14 години.
    1. Возрасни кои немаат доказ за имунитет од морбили, зaушки и рубеола.

3. Интернационални патници

– Бебиња од 6-11 месеци (и потоа уште една бустер доза помеѓу 12 и 15 месеци)

– Tинејџери

  1. Медицински персонал (лекари, сестри, лаборанти и други здравствени работници)

5 . Жени во репродуктивен период

  1. Мајки-доилки можат да примат вакцина. Безбедна е за бебето.
Бремените жени не смеат да примат ММР вакцина и мораат да почекаат до пораѓањето, па потоа да ја примат вакцината
НА КОГО НЕ МУ ТРЕБА ММР ВАКЦИНА?
  1. На оној кој има писмен доказ во вакциналниот картон за примени 2 дози на ММР во детството: на 1 и на 7 години;
  2. На луѓето родени на територијата на поранешната СФРЈ пред 1970-та година. Со оглед на фактот дека во тој период немало ММР вакцина во вакциналниот календар, а со оглед на високата контагиозност на овие болести, најверојатно поголемиот дел од ова население ги има прележано и има траен имунитет. За секој случај не е лошо во центрите за јавно здравје да си го проверите титарот на антитела против ММР.

КОЈ НЕ СМЕЕ ИЛИ НЕ БИ ТРЕБАЛО ДА ПРИМИ ВАКЦИНА ПРОТИВ ММР?

Некои луѓе не смеат да примат ММР вакцина или мора да ја одложат вакцинацијата:

  1. Секој кој има животозагрозувачка алергиска реакција на неомицин или некоја друга состојка на ММР вакцината. Задолжително кажете му на вашиот лекар ако сте склони кон бурни алергиски реакции;
  2. Секој кој имал бурна животозагрозувачка реакција на претходната доза ММР вакцина;
  3. Некои луѓе кои се болни во терминот за вакцинирање, треба да ја одложат вакцинацијата до закрепнувањето;
  4. Бремените жени не смеат да примат ММР вакцина и мораат да почекаат до пораѓањето, па потоа да ја примат вакцината;
  5. Жени кои планираат бременост не би смееле да останат бремени 4 недели по примање на вакцината;
  6. Лица кои имаат вроден или стекнат имунодефицит (СИДА);
  7. Примаат лекови кои влијаат врз имунитетот (стероиди, циклоспорин, цитостатици);
  8. Имаат кој било вид на канцер;
  9. Примаат хемотерапија или радиотерапија за канцер;
  10. Кои примиле друга вакцина помалку од 4 недели пред терминот за вакцинирање со ММР;
  11. Кои примиле трансфузија на еритроцити или тромбоцити помалку од 8 недели пред терминот за вакцинирање со ММР;
  12. Кои примале имуноглобулинска терапија помалку од 12 недели пред терминот за вакцинирање со ММР.
  • Сите овие состојби се причина вакцинацијата да не се спроведе или да биде одложена.

Настинка, рашмркан нос или варичела (овча сипаница) не се причина за одложување на вакцинацијата.

 

ПОВЕЌЕ ОД ИСТИОТ АВТОР, ПРИМ. Д-Р ЉИЉАНА КОЈИЌ:

ПОВРЗАНИ НАПИСИПОВЕЌЕ ОД АВТОРОТ