Може ли да се комбинираат вакцини против Ковид-19 од различни производители? Не, освен во еден случај

Единствен исклучок од правилото дека и двете дози на вакцината треба да бидат од ист производител се ситуации кога некое лице ќе развие сериозен несакан ефект при примање на првата доза на вакцината

Употребата на некоја друга вакцина како втора доза кај лице кое примило вакцина на АстраЗенека (Вакзеврија) се смета за експериментална употреба, бидејќи во моментов нема податоци за безбедноста и ефикасноста на ваквата комбинирана шема на вакцинација

Дали може лице кое примило прва доза на АстраЗенека, за втората доза да прими вакцина од друг производител?

Европската агенција за лекови (ЕМА), Светската здравствена организација и самите производители препорачуваат истата вакцина да се користи и за првата и за втората доза.

Употребата на некоја друга вакцина како втора доза кај лице кое примило вакцина на АстраЗенека (Вакзеврија) се смета за експериментална употреба, бидејќи во моментов нема податоци за безбедноста и ефикасноста на ваквата комбинирана шема на вакцинација.

Европската агенција за лекови (ЕМА), Светската здравствена организација и самите производители препорачуваат истата вакцина да се користи и за првата и за втората доза

Во Велика Британија, којашто има најголемо искуство со АстраЗенека, досега сите случаи на несакани ефекти кои се карактеризираат со тромбоза и тромбоцитопенија се случиле по примање на првата доза на вакцината и не се забележани по втората доза.

Единствен исклучок од правилото дека и двете дози на вакцината треба да бидат од ист производител се ситуации кога некое лице ќе развие сериозен несакан ефект при примање на првата доза на вакцината (на пример, ако некое лице развие нарушување на крвавењето по првата доза на вакцината, како поткожно крвавење одалечено од местото на инјектирање, згрутчување на крвта во кој било дел од телото, кое не може да се објасни со друга причина). Тоа треба да се договори за секој поединечен случај со лекарот кој е вклучен во лекување на несаканиот ефект, советуваат од Хрватскиот институт за јавно здравје.