Бебиња плачат, тоа е нивниот начин на комуникација. Но, што се случува ако бебето плаче предолго? Првата работа што треба да ја знаете е дека реагирањето на плачот на бебето не е знак на слабост, ниту, пак, тоа ќе го разгали вашето бебе, иако луѓето околу вас можат да ви го кажат спротивното. Напротив, обидот да го утешите вашето бебе додека плаче всушност придонесува за неговиот емоционален и психолошки развој, а тоа го потврдуваат бројни истражувања.
Истражувањата кои се направени на оваа тема покажале дека ако родителите редовно реагираат на потребите на детето или на неговиот плач, бебето всушност ќе плаче помалку од децата кои добиваат помалку внимание од мајката и таткото
Иако вашата околина може да ви советува дека игнорирањето е добар начин да го зајакнете вашето дете, таквото однесување може да има последици за развојот на бебето. Кога бебето плаче, неговото тело е преплавено со хормони на стрес.
Шефот на катедрата за психосоматска медицина на Детската универзитетска клиника во Минхен, д-р Карл Хајнрих, нагласува дека во мозокот на бебето се развива план за итни случаи, нешто слично на реакцијата на животните, кои кога се во опасност се претвораат дека се мртви и ги вкочануваат своите тела за да се заштитат од предатори и да преживеат.
Последиците од ова кај бебињата можат да бидат моментални и долгорочни:
- Пореметувања на централниот нервен систем.
- Потешкотии во учењето.
- Проблеми во создавањето емоционална поврзаност.
- Зголемен ризик од развој на анксиозност и депресија во возрасна доба.
Истражувањата кои се направени на оваа тема покажале дека ако родителите редовно реагираат на потребите на детето или на неговиот плач, бебето всушност ќе плаче помалку од децата кои добиваат помалку внимание од мајката и таткото.
