Ова никогаш не треба да му го кажате на детето кога има напад на бес

Тантрумите или испадите на бес се нешто на што родителите никогаш не се навикнуваат, иако се фаза во развојот на детето.

Секој родител знае колку е иритантно и стресно кога детето, на пример, се фрла на под во продавница и плаче и вришти на цел глас. Во тие моменти, колку и да е тешко, треба да се смирите, оти е исклучително важно како ќе изреагирате. Она што никако не смее да му го кажете на детето, се две работи, тврдат терапевтите.

НЕМОЈ НА ПЛАЧЕШ

Првата работа што никако не смее да му се каже на детето во таква ситуација е: Немој да плачеш.  Во нашето општество, плачењето се смета за слабост, но тоа е всушност здрава експресија на емоции. И сами знаеме колки подобро се чувствуваме, откако ќе се исплачеме. Исто така се чувствуваат и децата. Малите деца се уште не се научиле да се носат со своите емоции, и е нормално да се исплачат.

ДОБРО СИ

Не смеете да го уверувате детето дека е добро. Фразата “добро си“, е најлошто што може да го слушне возменирено лице, во овој случај, детето. Колку и да се вашите намери добри, лицето на кое тоа му го кажуваме, пораката ќе ја протолкува како игнорирање и негирање на неговите чувства. Кога се реагира со емпатија и трпение, му испраќате на детето порака дека го разбирате.

Најважно е да им се даде до знаење дека сте тука за нив, да имате трпение и да ги разберете. Дури тогаш, ќе порасне во психички здрава личност.