Се чини дека пандемијата со новиот коронавирус направила најмногу промени во животот на родителите.
Овој пат се покажало дека пандемијата довела до тоа да мајките повеќе и подолго ги дојат своите бебиња. Повеќето од нив, сега се посветени и поподготвени да подолго го дојат детето, покажало едно американско истражување.
Над 40 проценти од мајките потврдиле дека во овој период многу поголемо внимание посветиле на доењето, а една од пет мајки истакнала дека подолго ќе го дои бебето, отколку што претходно планирала.
Постои можност, велат експертите, ваквата промена да се должи на потенцијалната заштитна улога на мајчиното млеко. Тоа е поврзано со многубројни придобивки за бебето, но и за мајките, што вклучува јакнење на имунитетот и борба и заштита од многу болести.
