Кај децата на возраст од две до 15 години поради инфекција може да дојде до прекумерен воспалителен одговор кој ги зафаќа крвните садови и може да зафати и повеќе органи – срце, бубрези, бели дробови- и неретко завршува со најтешкиот исход.
Педијатарот Јованчевиќ го нагласува токму фактот дека секоја инфекција може да доведе до овој синдром кај децата, според некои податоци, вели, дури и почесто отколку во случаи на коронавирус.
“Ова може да го покрене било која инфекција, па и грипот. Сме имале комбинација на грип и стрептокока во грло, што е една каскада, како и борба за живот и стабилност на циркулацијата. Станува збор за живото-загрижувачка состојба која ја среќаваме при било која инфекција во детската возраст, не е ексклузива на коронавирусот. Мислам дека во случај на корона, поретко се јавува кај децата отколку како последица на други болести“, објаснува педијатарот.
Тој нагласува дека симптомите од сите причинители се исти. Сепак, во случај на коронавирус, се јавува осип на телото на детето.
“Она што е сепак специфично за овој синдром ако е предизвикан од коронавирусот се осипи, што инаку кај останатите по правило не се гледа. Се останато – главоболка, висока температура, лоша општа состојба, болки во стомакот, дигестивни проблеми и развој на тешка состојба која наликува на сепса – секоја година имам по неколку деца кои се во таа категорија“, нагласува д-р Јованчевиќ.
Тој смета дека на родителите, по овој смртен случај, не треба да им се влева страв и да се шири паника.
“Како и кај се, треба да се биде разумен и да се следи општата состојба на детето. Ако општата состојба на детето не е добра, ако родителот е загрижен, ако температурата е висока, особено ако е проследена со треска, ако детето е поспано, тоа бара итна консултација со педијатар, а потоа и со инфектолог“, истакнува педијатарот.
Следи преглед и вадење крв, оти пред се треба да се исклучи сепса која се јавува со истите симптоми.
“Многу поголема е шансата да некој со тие симптоми има сепса, отколку постковид, а сепсата е и поопасна“, забележува д-р Јованчевиќ.
