Научниците ги набљудувале навиките на 20 илјади вработени родители со мали деца за да откријат што точно се случува за време на познатата и омразена „ноќна смена“. И речиси во сите случаи, жената била таа која секогаш прва се будела на плачење на детето. Ова може да се разбере ако се земе предвид фактот дека таткото работи, а мајката е на породилно отсуство.
Но, она што загрижува, е дека оваа практика продолжува и кога жената се враќа на работа – таа и понатаму станува неколку пати во текот на ноќта и покрај тоа што одамна престанала да го дои детето.
Само 11 отсто од татковците се подготвени да станат среде ноќ за да му дадат млеко на своето дете, да го пресоблечат и да го смират. Дали се работи за навика или мрзеливост, научниците немале одговор на тоа прашање. Доколку се земе предвид дека во текот на денот мајката е таа која покрај работата е поактивна со детето и со домаќинството, потребно е да разговара со партнерот и да му се објасни дека не е лесно физички да се издржи ова темпо.
