Во насока на препораките, учениците учат на далечина. Се држат онлајн предавања, се ставаат видеа на платформи… На сите во моментов не им е едноставно, ниту на децата, ниту на родителите, ниту на наставниците…
Еве што препорачуваат педагозите на родителите чии деца се во училиште за полесна организација околу сите активности во текот на денот.
СОВЕТИ ЗА УЧЕЊЕ ВО КАРАНТИН
Децата нека ги следат часовите и наставата преку државниот телевизиски сервис. Нека бидат по постојана комуникација со другарите, но и со наставниците преку социјалните мрежи, мејлови… Секојдневно добиваат задачи кои треба да ги исполнат. Поттикнете ги да им се обратат на наставниците и да ги прашаат ако нешто не им е јасно. Сите просветни работници имаат свои мејлови и преку нив може успешно да се комуницира.
Следете ја работата на детето и неговата ангажираност. Ако не сте дома и мора да работите и во услови на пандемија со коронавирусот, договорете време кога ќе проверите што сработиле децата. Покрај одржување на работните навики, на овој начин ќе успее и да се заврши училишната година, бидејќи како што е најавено, она што детето го сработило во услови на изолација, ќе биде преточено во оценка. Затоа, е многу важно децата да одговорат на барањата на наставниците одговорно и најдобро што можат.
ДОМАШНИ ОБВРСКИ
Во ситуацијата сме кога е многу важни да се одржува личната и хигиената во просторот во кој живееме. Организирајте се сите во домот да учествуваат во одржување на хигиената. Децата нека се грижат за хигиената во своите соби, но укажете им е на водењето на нивната лична хигиена, просторот каде учат и каде најмногу престојуваат.
СОЦИЈАЛНИ АКТИВНОСТИ
Ова е добар момент семејствата да активираат друштвени игри, шах, монопол…Може да се играат семејно или само децата. Читајте, разговарајте повеќе со децата и трудете се да што помалку читаат и гледаат вести на интернет кои не се секогаш точни и веродостојни, оти на тој начин ќе им се создаде конфузија.
Развивајте ја свеста кај децата за важноста на здравјето и одговорноста кон него.
Со личен пример покажате им и вие. Нема потреба од создавање паника, и сега единствено е потребно да бидеме одговорни за себе и за другите. Ова е време да покажеме солидарност и да ги научиме децата за грижа за другите. Ова можеби е и најважната лекција која треба да ја научат во текот на овој тежок период, порачуваат педагозите.
