Канадското Министерство за здравство денеска објави дека ќе дозволи употреба на вакцината против коронавирус произведена од Фајзер/Бионтек за деца на возраст од 12 години.
Со ова Канада стана првата земја во светот што одобри употреба на вакцина за таа возрасна група
Министерството заклучи дека вакцината е „безбедна и ефикасна“ во спречување на коронавирус кај деца на возраст од 12 до 15 години. Оттаму додаваат дека одлуката е донесена по „ригорозен и независен преглед на научни докази“.
Канадските власти претходно ја одобрија вакцината против Ковид-19 за постари од 16 години.
