ПРВО МЕНИ: Што да му понудите на бебето од овошје, зеленчук, месо и риба

Од шестиот месец па натаму, бебето е подготвено да проба и друга храна освен млеко. Ви предлагаме кои намриници од овошје, зеленчук, месо и риба први да ги воведете и кога.

По шестиот месец од животот, детето е подготвено да се запознае и со друга храна, освен со млеко, па со тоа следи воведување на дохрана. Што да му дадете на детето и кога, знае да биде многу збунувачки, но постојат некои намирници кои на бебето ќе му обезбедат задоволство, лесно варење и квалитетна исхрана. Затоа, ви носиме избор за прво детско мени.

СОВЕТ: При воведувањето нова храна, обидете се тоа да го правите секои три или четири дена, за да можете да ги проверите евентуалните нуспојави. Ако истовремено внесете неколку намирници, потешко ќе ви биде да го откриете проблемот.

ПРВ ЗЕЛЕНЧУК: МОРКОВ

  • Од 6 месеци

Повеќе видови зеленчук добро функционираат на бебешката прва чинија, но морковот е еден од омилените. Зошто? Затоа што е лесно сварлив за детето, едноставен е за подготовка и е богат со витамин Ц.

Како да го подготвите: Нормално, морковот се лупи и сечка. Готвењето на пареа е најдобриот начин на подготовка на зеленчукот, на било која возраст, оти на тој начин зеленчукот ги задржува сите хранливи вредности. Но, може и да го сварите морковот додека не омекне. Со подготовка во блендер, ќе добиете хранлива кашичка.

ВТОР ЗЕЛЕНЧУК: Тиква и сладок компир.

ПРВО ОВОШЈЕ: КРУШКА

  • Од 6 месеци

Крушката исто така лесно се вари. Одлична е како самостојна кашичка без додатоци, но и во комбинација со друго овошје, па дури и зеленчук.

Како да ја подготвите: Излупете ја крушата и исечкајте ја на парчиња од околу два сантиметри, и варете ја во мала количина вода. Откако ќе зоврие, варете уште 5 минути, а потоа во блендер направете кашичка.

ВТОРО ОВОШЈЕ: Банана, јаболко, праска, диња, кајсија.


ПРВА РИБА: БАКАЛАР

  • Од 7 месеци

Еднаш кога бебето ќе се навикне на мекото овошје и зеленчук, следниот чекор е воведување на риба или месо. Бакаларот има благ вкус и е одличен извор на здрави белковини.

Како да го подготвите: Мешан со зеленчук во кашичка. Секогаш, внимавајте на коските во рибата.

ВТОРА РИБА: Било која риба освен сабјарка, оти може да содржи небезбедно ниво на жива за бебе и мали деца.

ПРВО МЕСО: Пилешко месо

  • Од 7 месеци

Богато со белковини, а со малку маснотии, пилешкото месо е здрава храна за целото семејство. Тоа е меко месо, кое лесно може да се подготви без голем напор. При подготовката, остранете ја кожата.

Како да го подготвите: Варете ги пилешкото месо како вообичаено, но за бебе, подгответе пире или кашичка. Може да се комбинира со зеленчук или сладок компир.

ВТОРО МЕСО: Од околу деветиот месец, бебето може да проба мелено месо и јадења како тестенини болоњезе, секако прилагодени за детска чинија.