Психологот и татко на шест деца д-р Џастин Кулсон има ефикасен начин да го смири детето кое доживува излив на бес. Тој вели дека во тие моменти е неопходно да се признаат емоциите на детето.
„Родителите честопати бараат од детето да престане или да се смири со надеж дека детето ќе послуша и ќе замолчи, но никој не сака да го слушне тоа, па дури ни возрасните кога се вознемирени“, вели д-р Коулсон.
Затоа им предлага на родителите да ги препознаат емоциите на детето и нивните причини и на тој начин да му помогнат на малечкото да ги саморегулира своите чувства и да се смири.
„Ако можете да именувате нешто, тогаш можете и да го скротите“, додава тој.
Психологот на родителите им препорачува да ги препознаат емоциите на детето и нивните причини и на тој начин да му помогнат на малечкото да ги саморегулира своите чувства и да се смири
Според психологот, овој процес се нарекува емоционален коучинг и им помага на децата да ги разберат различните емоции што ги доживуваат, зошто се јавуваат и како да се справат со нив.
„Замислете дека нешто ве вознемирува и партнерот ви вели да се смирите, а вие вриете од бес. Веројатно ќе полудите уште повеќе. Ако некој треба да се смири, тогаш прво именувајте ја емоцијата што ја чувствува. Така ќе се чувствува сфатено и сигурно и ќе може сам да почне да ја скротува таа емоција. Реалноста е дека животот е неправеден, но родителите имаат обврска да ги научат своите деца на општествено прифатливо однесување“, порача тој.
Според д-р Кулсон, најголемата човечка потреба не е да бидеме сакани, туку да бидеме сфатени.
